ifsha-e-raaz-e-ishq mein go zillaten huin
lekin use jata to diya jaan to gaya

Dagh Dehlvi

---

---

id hai qatl mera ahl-e-tamasha ke liye
sab gale milne lage jab ki wo jallad aaya

Dagh Dehlvi

---

---

ek ada mastana sar se panw tak chhai hui
uf teri kafir jawani josh par aai hui

Dagh Dehlvi

---

---

ilahi kyun nahin uThti qayamat majra kya hai
hamare samne pahlu mein wo dushman ke baiThe hain

Dagh Dehlvi

---

---

is liye wasl se inkar hai hum jaan gae
ye na samjhe koi kya jald kaha man gae

Dagh Dehlvi

---

---

is wahm mein wo 'dagh' ko marne nahin dete
mashuq na mil jae kahin zer-e-zamin au

Dagh Dehlvi

---

---

jao bhi kya karoge mehr-o-wafa
bar-ha aazma ke dekh liya

Dagh Dehlvi

---

---