ghash kha ke 'dagh' yar ke qadmon pe gir paDa
behosh ne bhi kaam kiya hoshiyar ka

Dagh Dehlvi

---

---

ghazab kiya tere wade pe e'tibar kiya
tamam raat qayamat ka intizar kiya

Dagh Dehlvi

---

---

hum bhi kya zindagi guzar gae
dil ki bazi laga ke haar gae

Dagh Dehlvi

---

---

hamari taraf ab wo kam dekhte hain
wo nazren nahin jin ko hum dekhte hain

Dagh Dehlvi

---

---

hamein hai shauq ki be-parda tum ko dekhenge
tumhein hai sharm to aankhon pe hath dhar lena

Dagh Dehlvi

---

---

hasraten le gae is bazm se chalne wale
hath malte hi uThe itr ke malne wale

Dagh Dehlvi

---

---

hazar bar jo manga karo to kya hasil
dua wahi hai jo dil se kabhi nikalti hai

Dagh Dehlvi

---

---