josh-e-rahmat ke waste zahid
hai zara si gunah-gari shart

Dagh Dehlvi

---

---

kal tak to aashna the magar aaj ghair ho
do din mein ye mizaj hai aage ki KHair ho

Dagh Dehlvi

---

---

KHar-e-hasrat bayan se nikla
dil ka kanTa zaban se nikla

Dagh Dehlvi

---

---

ki tark-e-mai to mail-e-pindar ho gaya
main tauba kar ke aur gunahgar ho gaya

Dagh Dehlvi

---

---

koi chhinTa paDe to 'dagh' kalkatte chale jaen
azimabaad mein hum muntazir sawan ke baiThe hain

Dagh Dehlvi

---

---

koi nam-o-nishan puchhe to ai qasid bata dena
taKHallus 'dagh' hai wo aashiqon ke dil mein rahte hain

Dagh Dehlvi

---

---

kya iztirab-e-shauq ne mujh ko KHajil kiya
wo puchhte hain kahiye irade kahan ke hain

Dagh Dehlvi

---

---