jali hain dhup mein shaklen jo mahtab ki thin
khinchi hain kanTon pe jo pattiyan gulab ki thin

Dagh Dehlvi

---

---

jalwe meri nigah mein kaun-o-makan ke hain
mujh se kahan chhupenge wo aise kahan ke hain

Dagh Dehlvi

---

---

jin ko apni KHabar nahin ab tak
wo mere dil ka raaz kya jaanen

Dagh Dehlvi

---

---

jis jagah baiThe mera charcha kiya
KHud hue ruswa mujhe ruswa kiya

Dagh Dehlvi

---

---

jis KHat pe ye lagai usi ka mila jawab
ek mohr mere pas hai dushman ke nam ki

Dagh Dehlvi

---

---

jo guzarte hain 'dagh' par sadme
aap banda-nawaz kya jaanen

Dagh Dehlvi

---

---

jo tumhaari tarah tum se koi jhuTe wade karta
tumhin munsifi se kah do tumhein e'tibar hota

Dagh Dehlvi

---

---