agar dard-e-mohabbat se na insan aashna hota
na kuchh marne ka gham hota na jine ka maza hota

Chakbast Brij Narayan

---

---

azizan-e-watan ko ghuncha o barg o samar jaana
KHuda ko baghban aur qaum ko hum ne shajar jaana

Chakbast Brij Narayan

---

---

charagh qaum ka raushan hai arsh par dil ke
use hawa ke farishte bujha nahin sakte

Chakbast Brij Narayan

---

---

ek saghar bhi inayat na hua yaad rahe
saqiya jate hain mahfil teri aabaad rahe

Chakbast Brij Narayan

---

---

gunah-garon mein shamil hain gunahon se nahin waqif
saza ko jaante hain hum KHuda jaane KHata kya hai

Chakbast Brij Narayan

---

---

hai mera zabt-e-junun josh-e-junun se baDh kar
nang hai mere liye chaak-e-gareban hona

Chakbast Brij Narayan

---

---

ek silsila hawas ka hai insan ki zindagi
is ek musht-e-KHak ko gham do-jahan ke hain

Chakbast Brij Narayan

---

---