naya bismil hun main waqif nahin rasm-e-shahadat se
bata de tu hi ai zalim taDapne ki ada kya hai

Chakbast Brij Narayan

---

---

watan ki KHak se mar kar bhi hum ko uns baqi hai
maza daman-e-madar ka hai is miTTi ke daman mein

Chakbast Brij Narayan

---

---

ye kaisi bazm hai aur kaise us ke saqi hain
sharab hath mein hai aur pila nahin sakte

Chakbast Brij Narayan

---

---

zaban-e-haal se ye lucknow ki KHak kahti hai
miTaya gardish-e-aflak ne jah-o-hasham mera

Chakbast Brij Narayan

---

---

zindagi kya hai anasir mein zuhur-e-tartib
maut kya hai inhin ajza ka pareshan hona

Chakbast Brij Narayan

---

---

jin ka maqsad fareb hota hai
wo baDi sadgi se milte hain

Chaman Lal Chaman

---

---

mahngai mein har ek shai ke dam hue hain dune
majburi mein bike jawani do kauDi ke mol

Chaman Lal Chaman

---

---