jism mein KHwahish na thi ehsas mein kanTa na tha
is tarah jaga ki jaise raat-bhar soya na tha

Bimal Krishn Ashk

---

---

main band kamre ki majburiyon mein leTa raha
pukarti phiri bazar mein hawa mujh ko

Bimal Krishn Ashk

---

---

paDne lage jo zor hawas ka to kya nigah
har zawiye se jism nikalta dikhae de

Bimal Krishn Ashk

---

---

sabhi insan farishte ho gae hain
kisi diwar mein saya nahin hai

Bimal Krishn Ashk

---

---

tum to kuchh aise bhul gae ho jaise kabhi waqif hi nahin the
aur jo yunhi karna tha sahab kis liye itna pyar kiya tha

Bimal Krishn Ashk

---

---

use chhat par khaDe dekha tha main ne
ki jis ke ghar ka darwaza nahin hai

Bimal Krishn Ashk

---

---

har samt hai virani si virani ka aalam
ab ghar sa nazar aane laga hai mera ghar bhi

Bismil Aghai

---

---