main yun bhi ehtiyatan us gali se kam guzarta hun
koi masum kyun mere liye badnam ho jae

Bashir Badr

---

---

mera shaitan mar gaya shayad
mere sine pe so raha hai koi

Bashir Badr

---

---

meri aankh ke tare ab na dekh paoge
raat ke musafir the kho gae ujalon mein

Bashir Badr

---

---

mere sath chalne wale tujhe kya mila safar mein
wahi dukh-bhari zamin hai wahi gham ka aasman hai

Bashir Badr

---

---

mohabbat adawat wafa be-ruKHi
kirae ke ghar the badalte rahe

Bashir Badr

---

---

mohabbat ek KHushbu hai hamesha sath chalti hai
koi insan tanhai mein bhi tanha nahin rahta

Bashir Badr

---

---

mohabbaton mein dikhawe ki dosti na mila
agar gale nahin milta to hath bhi na mila

Bashir Badr

---

---