koi mausam meri ummidon ko ras aaya nahin
fasl andhiyaron ki kaTi aur diye boti rahi

Aziz Bano Darab Wafa

---

---

kuredta hai bahut rakh mere mazi ki
main chuk jaun to wo ungliyan jala lega

Aziz Bano Darab Wafa

---

---

lagae piTh baiThi sochti rahti thi main jis se
wahi diwar lafzon ki achanak aa rahi mujh pa

Aziz Bano Darab Wafa

---

---

main apne aap se Takra gai thi KHair hui
ki aa gaya meri qismat se darmiyan mein wo

Aziz Bano Darab Wafa

---

---

main apne jism mein rahti hun is takalluf se
ki jaise aur kisi dusre ke ghar mein hun

Aziz Bano Darab Wafa

---

---

main bhi sahil ki tarah TuT ke bah jati hun
jab sada de ke bulata hai samundar mujh ko

Aziz Bano Darab Wafa

---

---

main jab bhi us ki udasi se ub jaungi
to yun hansega ki mujh ko udas kar dega

Aziz Bano Darab Wafa

---

---