main us ki dhup hun jo mera aaftab nahin
ye baat KHud pe main kis tarah aashkar karun

Aziz Bano Darab Wafa

---

---

mar ke KHud mein dafn ho jaungi main bhi ek din
sab mujhe DhunDenge jab main rasta ho jaungi

Aziz Bano Darab Wafa

---

---

mere andar ek dastak si kahin hoti rahi
zindagi oDhe hue main be-KHabar soti rahi

Aziz Bano Darab Wafa

---

---

mere andar koi takta raha rasta us ka
main hamesha ke liye rah gai chilman ban ke

Aziz Bano Darab Wafa

---

---

mere haalat ne yun kar diya patthar mujh ko
dekhne walon ne dekha bhi na chhu kar mujh ko

Aziz Bano Darab Wafa

---

---

meri KHalwat mein jahan gard jami pai gai
ungliyon se teri taswir bani pai gai

Aziz Bano Darab Wafa

---

---

meri taswir banane ko jo hath uThta hai
ek shikan aur mere mathe pe bana deta hai

Aziz Bano Darab Wafa

---

---