charaghon ne hamare sae lambe kar diye itne
sawere tak kahin pahunchenge ab apne barabar hum

Aziz Bano Darab Wafa

---

---

dhup meri sari rangini uDa le jaegi
sham tak main dastan se waqia ho jaungi

Aziz Bano Darab Wafa

---

---

ek muddat se KHayalon mein basa hai jo shaKHs
ghaur karte hain to us ka koi chehra bhi nahin

Aziz Bano Darab Wafa

---

---

fasana-dar-fasana phir rahi hai zindagi jab se
kisi ne likh diya hai taq-e-nisyan par pata apna

Aziz Bano Darab Wafa

---

---

gae mausam mein main ne kyun na kaTi fasl KHwabon ki
main ab jagi hun jab phal kho chuke hain zaiqa apna

Aziz Bano Darab Wafa

---

---

hum aise surma hain laD ke jab haalat se palTe
to baDh ke zindagi ne pesh kin baisakhiyan hum ko

Aziz Bano Darab Wafa

---

---

hum hain ehsas ke sailab-zada sahil par
dekhiye hum ko kahan le ke kinara jae

Aziz Bano Darab Wafa

---

---