hum mata-e-dil-o-jaan le ke bhala kya jaen
aisi basti mein jahan koi luTera bhi nahin

Aziz Bano Darab Wafa

---

---

hum ne sara jiwan banTi pyar ki daulat logon mein
hum hi sara jiwan tarse pyar ki pai pai ko

Aziz Bano Darab Wafa

---

---

hum ne sab ko muflis pa ke toD diya dil ka kashkol
hum ko koi kya de dega kyun munh-dekhi baat karen

Aziz Bano Darab Wafa

---

---

hum se ziyaada kaun samajhta hai gham ki gahrai ko
hum ne KHwabon ki miTTi se paTa hai is khai ko

Aziz Bano Darab Wafa

---

---

hamari bebasi shahron ki diwaron pe chipki hai
hamein DhunDegi kal duniya purane ishtihaaron mein

Aziz Bano Darab Wafa

---

---

hamein di jaegi phansi hamare apne jismon mein
ujaDi hain tamannaon ki lakhon bastiyan hum ne

Aziz Bano Darab Wafa

---

---

ek wahi khol saka satwan dar mujh pe magar
ek shab bhul gaya pherna jadu wo bhi

Aziz Bano Darab Wafa

---

---