main kis zaban mein us ko kahan talash karun
jo meri gunj ka lafzon se tarjuma kar de

Aziz Bano Darab Wafa

---

---

main kisi janm ki yaadon pe paDa parda hun
koi ek lamhe ko ek dam se uThata hai mujhe

Aziz Bano Darab Wafa

---

---

main ne ye soch ke boe nahin KHwabon ke daraKHt
kaun jangal mein uge peD ko pani dega

Aziz Bano Darab Wafa

---

---

main phuT phuT ke roi magar mere andar
bikherta raha be-rabt qahqahe koi

Aziz Bano Darab Wafa

---

---

main raushni hun to meri pahunch kahan tak hai
kabhi charagh ke niche bikhar ke dekhungi

Aziz Bano Darab Wafa

---

---

main shaKH-e-sabz hun mujh ko utar kaghaz par
meri tamam bahaaron ko be-KHizan kar de

Aziz Bano Darab Wafa

---

---

main us ke samne uryan lagungi duniya ko
wo mere jism ko mera libas kar dega

Aziz Bano Darab Wafa

---

---