sans leta hun to dam ghuTta hai
kaisi be-dard hawa hai yaro

Ayub Rumani

---

---

kaha ye main ne bhala kab ki mat saza dije
magar qusur to mujh ko mera bata dije

Ayub Sabir

---

---

shafaq hun suraj hun raushni hun
salib-e-gham par ubhar raha hun

Ayub Sabir

---

---

afsos be-shumar suKHan-ha-e-guftani
KHauf-e-fasad-e-KHalq se na-gufta rah gae

Azad Ansari

---

---

agar kar-e-ulfat ko mushkil samajh lun
to kya tark-e-ulfat mein aasaniyan hain

Azad Ansari

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---

kise fursat ki farz-e-KHidmat-e-ulfat baja lae
na tum bekar baiThe ho na hum bekar baiThe hain

Azad Ansari

---

---