tere falak hi se TuTne wali raushni ke hain aks sare
kahin kahin jo chamak rahe hain huruf meri ibaraton mein

Atiiqullah

---

---

tum ne to faqat us ki riwayat hi suni hai
hum ne wo zamana bhi guzarte hue dekha

Atiiqullah

---

---

wo baat thi to kai dusre sabab bhi the
ye baat hai to sabab dusra nahin hoga

Atiiqullah

---

---

wo raat nind ki dahliz par tamam hui
abhi to KHwab pe ek aur KHwab dharna tha

Atiiqullah

---

---

ye dekha jae wo kitne qarib aata hai
phir is ke baad hi inkar kar ke dekha jae

Atiiqullah

---

---

ye rah-e-talab yaro gumrah bhi karti hai
saman usi ka tha jo be-sar-o-saman tha

Atiiqullah

---

---

zara se rizq mein barkat bhi kitni hoti thi
aur ek charagh se kitne charagh jalte the

Atiiqullah

---

---