ajab KHulus ajab sadgi se karta hai
daraKHt neki baDi KHamushi se karta hai

Atul Ajnabi

---

---

kisi daraKHt se sikho saliqa jine ka
jo dhup chhanw se rishta banae rahta hai

Atul Ajnabi

---

---

patton ko chhoD deta hai aksar KHizan ke waqt
KHud-gharzi hi kuchh aisi yahan har shajar mein hai

Atul Ajnabi

---

---

safar ho shah ka ya qafila faqiron ka
shajar mizaj samajhte hain rahgiron ka

Atul Ajnabi

---

---

ye rahbar aaj bhi kitne purane lagte hain
ki peD dur se rasta dikhane lagte hain

Atul Ajnabi

---

---

yun bhi mili hai mujh ko mere zabt-e-gham ki dad
aksar wo sar jhukae hue muskurae hain

Ayaz Jhansvi

---

---

hum chahte the mah-e-daraKHshan ko dekhna
us ne hamein dariche se chehra dikha diya

Ayesha Masood Malik

---

---