ye rog laga hai ajab hamein jo jaan bhi le kar Tala nahin
har ek dawa be-asar gai har ek dua be-asar hui

Ashfaq Amir

---

---

ahut chhoTa sa dil aur is mein ek chhoTi si KHwahish
so ye KHwahish bhi ab nilam karne ke liye hai

Ashfaq Husain

---

---

dil ki jagir mein mera bhi koi hissa rakh
main bhi tera hun mujhe bhi to kahin rahna hai

Ashfaq Husain

---

---

dil mein sau tir taraazu hue tab ja ke khula
is qadar sahl na tha jaan se guzarna mera

Ashfaq Husain

---

---

din bhar ke jhamelon se bacha laya tha KHud ko
sham aate hi 'ashfaq' main TuTa hua kyun hun

Ashfaq Husain

---

---

jo KHwab ki dahliz talak bhi nahin aaya
aaj us se mulaqat ki surat nikal aai

Ashfaq Husain

---

---

kaam jo umr-e-rawan ka hai use karne de
meri aankhon mein sada tujh ko hasin rahna hai

Ashfaq Husain

---

---