TuTe hue log hain salamat
ye naql-e-makani ka moajaza hai

Ashfaq Husain

---

---

wo ho na saka apna to hum ho gae us ke
us shaKHs ki marzi hi mein Dhaale hue hum hain

Ashfaq Husain

---

---

ai junun us ki kahani bhi sunaunga tujhe
ye jo paiwand mere chaak mein dekha gaya hai

Ashfaq Nasir

---

---

hum aaine mein tera aks dekhne ke liye
kai charagh nadi mein bahane lagte hain

Ashfaq Nasir

---

---

hum faqat teri guftugu mein nahin
har suKHan har zaban mein hum hain

Ashfaq Nasir

---

---

hijr insan ke KHad-o-KHal badal deta hai
kabhi fursat mein mujhe dekhne aana mere dost

Ashfaq Nasir

---

---

ja tujhe tere hawale kar diya
khench le ye hath phailaya hua

Ashfaq Nasir

---

---