tere badan ki dhup se mahrum kab hua
lekin ye istiara bhi manzum kab hua

Ashar Najmi

---

---

tum bhi the sarshaar main bhi gharq-e-bahr-e-rang-o-bu
phir bhala donon mein aaKHir KHud-kashida kaun tha

Ashar Najmi

---

---

wo jin ki hijraton ke aaj bhi kuchh dagh raushan hain
unhi bichhDe parindon ko shajar wapas bulata hai

Ashar Najmi

---

---

zahr mein Dubi hui parchhaiyon ka raqs hai
KHud se wabasta yahan main bhi nahin tu bhi nahin

Ashar Najmi

---

---

ab e'tibar pe ji chahta to hai lekin
purane KHauf dilon se kahan nikalte hain

Ashfaq Amir

---

---

apni KHushi se mujhe teri KHushi thi aziz
tu bhi magar jaane kyun mujh se KHafa ho gaya

Ashfaq Amir

---

---

ye raat aisi hawaen kahan se lati hai
ki KHwab phulte hain aur zaKHm phalte hain

Ashfaq Amir

---

---