kaun hain wo jinhen aafaq ki wusat kam hai
ye samundar na ye dariya na ye sahra mera

Ashfaq Husain

---

---

khul kar to wo mujh se kabhi milta hi nahin hai
aur us se bichhaD jaane ka imkan hai yun bhi

Ashfaq Husain

---

---

lafzon mein har ek ranj samone ka qarina
us aankh mein Thahre hue pani se mila hai

Ashfaq Husain

---

---

main apni pyas mein khoya raha KHabar na hui
qadam qadam pe wo dariya pukarta tha mujhe

Ashfaq Husain

---

---

phul mahkenge yunhi chand yunhi chamkega
tere hote hue manzar ko hasin rahna hai

Ashfaq Husain

---

---

talash apni KHud apne wajud ko kho kar
ye kar-e-ishq hai is mein laga to main bhi hun

Ashfaq Husain

---

---

tumhein manane ka mujh ko KHayal kya aae
ki apne aap se ruTha hua to main bhi hun

Ashfaq Husain

---

---