us se milne ki talab mein ji liye kuchh aur din
wo bhi KHud bite dinon se bar-sar-e-paikar thi

Ashar Hashmi

---

---

wahin ke pattharon se puchh mera haal-e-zindagi
main reza reza ho ke jis dayar mein bikhar gaya

Ashar Hashmi

---

---

zindagi karna wo mushkil fan hai 'ashhar' hashmi
jaise ki chalna paDe bijli ke nange tar pa

Ashar Hashmi

---

---

andhere mein tajassus ka taqaza chhoD jaana hai
kisi din KHamushi mein KHud ko tanha chhoD jaana hai

Ashar Najmi

---

---

ahut mohtat ho kar sans lena mo'tabar ho tum
hamara kya hai hum to KHud hi apni rad mein rahte hain

Ashar Najmi

---

---

canwas par hai ye kis ka paikar-e-harf-o-sada
ek numud-e-arzu jo be-nishan hai aur bas

Ashar Najmi

---

---

main ne bhi parchhaiyon ke shahr ki phir rah li
aur wo bhi apne ghar ka ho gaya hona hi tha

Ashar Najmi

---

---