sham Dhalne se faqat sham nahin Dhalti hai
umr Dhal jati hai jaldi palaT aana mere dost

Ashfaq Nasir

---

---

sham hoti hai to lagta hai koi ruTh gaya
aur shab us ko manane mein guzar jati hai

Ashfaq Nasir

---

---

wo jis mein lauT ke aati thi ek shahzadi
abhi talak nahin bhuli wo dastan mujh ko

Ashfaq Nasir

---

---

wo phul ho sitara ho shabnam ho jhil ho
teri kitab-e-husn ke sab iqtibas the

Ashfaq Nasir

---

---

wo shaKHs jis ki KHushi ka bais thin meri baaten
use ab un par malal karne bhi aa gae hain

Ashfaq Nasir

---

---

hum se puchho mizaj barish ka
hum jo kachche makan wale hain

Ashfaque Anjum

---

---

aao to mere sahn mein ho jae raushni
muddat guzar gai hai charaghan kiye hue

Ashhad Bilal Ibn-e-chaman

---

---