khilna har ek phul ka 'asghar' hai moajaza
murjhati hai kali bhi bahaaron ke darmiyan

Asghar Velori

---

---

log achchhon ko bhi kis dil se bura kahte hain
hum ko kahne mein buron ko bhi bura lagta hai

Asghar Velori

---

---

mujh ko gham ka na kabhi dard ka ehsas raha
har KHushi pas thi jab tak tu mere pas raha

Asghar Velori

---

---

paDhte the kitabon mein qayamat ka saman
nepal mein kuchh is ka namuna dekha

Asghar Velori

---

---

aushni jab se mujhe chhoD gai
shama roti hai sirhane mere

Asghar Velori

---

---

shikar apni ana ka hai aaj ka insan
jise bhi dekhiye tanha dikhai deta hai

Asghar Velori

---

---

tere mahal mein hazaron charagh jalte hain
ye mera ghar hai yahan dil ke dagh jalte hain

Asghar Velori

---

---