sari duniya ko jitne wala
apne bachchon se haar jata hai

Asghar Shamim

---

---

sar pe dastar jab salamat hai
dil mein aati hui ana se Da

Asghar Shamim

---

---

shahr to kab ka jal chuka 'asghar'
uTh raha hai magar dhuan ab tak

Asghar Shamim

---

---

talatum mein kabhi utra tha 'asghar'
samundar aaj tak sahma hua hai

Asghar Shamim

---

---

ai chaaragaro pas tumhaare na milegi
bimar-e-mohabbat ki dawa aur hi kuchh hai

Asghar Velori

---

---

duniya se KHatm ho gaya insan ka wajud
rahna paDa hai hum ko darindon ke darmiyan

Asghar Velori

---

---

jitna rona tha ro chuke aadam
aur roega aadmi kab tak

Asghar Velori

---

---