pahli nazar bhi aap ki uff kis bala ki thi
hum aaj tak wo choT hain dil par liye hue

Asghar Gondvi

---

---

qahr hai thoDi si bhi ghaflat tariq-e-ishq mein
aankh jhapki qais ki aur samne mahmil na tha

Asghar Gondvi

---

---

ind jo zarf uTha len wahi saghar ban jae
jis jagah baiTh ke pi len wahi mai-KHana bane

Asghar Gondvi

---

---

udad-e-chaman sunta hun is tarah qafas mein
jaise kabhi aankhon se gulistan nahin dekha

Asghar Gondvi

---

---

sau bar tera daman hathon mein mere aaya
jab aankh khuli dekha apna hi gareban hai

Asghar Gondvi

---

---

sau bar tera daman hathon mein mere aaya
jab aankh khuli dekha apna hi gareban tha

Asghar Gondvi

---

---

sunta hun baDe ghaur se afsana-e-hasti
kuchh KHwab hai kuchh asl hai kuchh tarz-e-ada hai

Asghar Gondvi

---

---