main kaamyab-e-did bhi mahrum-e-did bhi
jalwon ke izhdiham ne hairan bana diya

Asghar Gondvi

---

---

main kya kahun kahan hai mohabbat kahan nahin
rag rag mein dauDi phirti hai nashtar liye hue

Asghar Gondvi

---

---

meri wahshat pe bahs-araiyan achchhi nahin zahid
bahut se bandh rakkhe hain gareban main ne daman mein

Asghar Gondvi

---

---

mujh ko KHabar rahi na ruKH-e-be-naqab ki
hai KHud numud husn mein shan-e-hijab ki

Asghar Gondvi

---

---

mujh se jo chahiye wo dars-e-basirat lije
main KHud aawaz hun meri koi aawaz nahin

Asghar Gondvi

---

---

na kuchh fana ki KHabar hai na hai baqa malum
bas ek be-KHabari hai so wo bhi kya malum

Asghar Gondvi

---

---

nahin dair o haram se kaam hum ulfat ke bande hain
wahi kaba hai apna aarzu dil ki jahan nikle

Asghar Gondvi

---

---