ye bhi fareb se hain kuchh dard aashiqi ke
hum mar ke kya karenge kya kar liya hai ji ke

Asghar Gondvi

---

---

yun muskurae jaan si kaliyon mein paD gai
yun lab-kusha hue ki gulistan bana diya

Asghar Gondvi

---

---

zulf thi jo bikhar gai ruKH tha ki jo nikhar gaya
hae wo sham ab kahan hae wo ab sahar kahan

Asghar Gondvi

---

---

patthar liye har moD pe kuchh log khaDe hain
is shahr mein kitne hain mere chahne wale

Asghar Gorakhpuri

---

---

aadmi pahle bhi nanga tha magar jism talak
aaj to ruh ko bhi hum ne barahna paya

Asghar Mehdi Hosh

---

---

aane wale daur mein jo paega paighambari
mera chehra mera dil meri zaban le jaega

Asghar Mehdi Hosh

---

---

achche khuli faza mein kahan tak nikal gae
hum log ab bhi qaid isi baam-o-dar mein hain

Asghar Mehdi Hosh

---

---