nahin wo agli si raunaq dayar-e-hasti ki
tabah-kun koi tufan tha shabab na tha

Arzoo Lakhnavi

---

---

nazar bacha ke jo aansu kiye the main ne pak
KHabar na thi yahi dhabbe banenge daman ke

Arzoo Lakhnavi

---

---

nigahen is qadar qatil ki uff uff
adaen is qadar pyari ki tauba

Arzoo Lakhnavi

---

---

phail gai baalon mein sapedi chaunk zara karwaT to badal
sham se ghafil sone wale dekh to kitni raat rahi

Arzoo Lakhnavi

---

---

phir chahe to na aana o aan ban wale
jhuTa hi wada kar le sachchi zaban wale

Arzoo Lakhnavi

---

---

puchha jo un se chand nikalta hai kis tarah
zulfon ko ruKH pe Dal ke jhaTka diya ki yun

Arzoo Lakhnavi

---

---

ahbar rahzan na ban jae kahin is soch mein
chup khaDa hun bhul kar raste mein manzil ka pata

Arzoo Lakhnavi

---

---