shauq chaDhti dhup jata waqt ghaTti chhanw hai
ba-wafa jo aaj hain kal be-wafa ho jaenge

Arzoo Lakhnavi

---

---

sine mein zabt-e-gham se chhaala ubhar raha hai
shoale ko band kar ke pani bana rahe hain

Arzoo Lakhnavi

---

---

tere to Dhang hain yahi apna bana ke chhoD de
wo bhi bura hai bawla tujh ko jo pa ke chhoD de

Arzoo Lakhnavi

---

---

wae ghurbat ki hue jis ke liye KHana-KHarab
sun ke aawaz bhi ghar se na wo bahar nikla

Arzoo Lakhnavi

---

---

wafa tum se karenge dukh sahenge naz uThaenge
jise aata hai dil dena use har kaam aata hai

Arzoo Lakhnavi

---

---

wahshat hum apni baad-e-fana chhoD jaen
ab tum phiroge chaak gareban kiye hue

Arzoo Lakhnavi

---

---

wo hath mar palaT kar jo kar de kaam tamam
baDe azab mein hun main sawab leta ja

Arzoo Lakhnavi

---

---