maKHarab-e-kar hui josh mein KHud ujlat-e-kar
pichhe haT jaegi manzil mujhe malum na tha

Arzoo Lakhnavi

---

---

misal-e-shama apni aag mein kya aap jal jaun
qisas-e-KHamushi legi kahan tak ai zaban mujh se

Arzoo Lakhnavi

---

---

mohabbat nek-o-bad ko sochne de ghair-mumkin hai
baDhi jab be-KHudi phir kaun Darta hai gunahon se

Arzoo Lakhnavi

---

---

mohabbat wahin tak hai sachchi mohabbat
jahan tak koi ahd-o-paiman nahin hai

Arzoo Lakhnavi

---

---

mujhe rahne ko wo mila hai ghar ki jo aafaton ki hai rahguzar
tumhein KHaksaron ki kya KHabar kabhi niche utre ho baam se

Arzoo Lakhnavi

---

---

nale hain dilsitan to phir aahen hain barchhiyan to phir
hum to KHamosh baiThe the aap ne kyun sata diya

Arzoo Lakhnavi

---

---

nam mansur ka qismat ne uchhaala warna
hai yahan kaun sa haq-go ki sar-e-dar nahin

Arzoo Lakhnavi

---

---