wo palaT ke jald na aaenge ye ayan hai tarz-e-KHiram se
koi gardish aisi bhi ai falak jo bula de subh ko sham se

Arzoo Lakhnavi

---

---

wo qissa-e-dard-agin chup kar diya tha jis ne
tum se na suna jata mujh se na bayan hota

Arzoo Lakhnavi

---

---

ye gul khil raha hai wo murjha raha hai
asar do tarah ke hawa ek hi hai

Arzoo Lakhnavi

---

---

hul ke kabhi na fash kar raaz-o-niyaz-e-ashiqi
wo bhi agar hon samne aankh uTha ke bhi na dekh

Arzoo Saharanpuri

---

---

go sarapa-e-jabr hain phir bhi
sahab-e-iKHtiyar hain hum log

Arzoo Saharanpuri

---

---

kabhi kabhi to ek aisa maqam aaya hai
main husn ban ke KHud apni nazar se guzra hun

Arzoo Saharanpuri

---

---

mahsus kar raha hun KHud apne jamal ko
jitna tere qarib chala ja raha hun main

Arzoo Saharanpuri

---

---