ishwa bhi hai shoKHi bhi tabassum bhi haya bhi
zalim mein aur ek baat hai is sab ke siwa bhi

Akbar Allahabadi

---

---

jo kaha main ne ki pyar aata hai mujh ko tum par
hans ke kahne laga aur aap ko aata kya hai

laughing, she inquired when, I said "I love you"
is there anything else at all that you know to do

Akbar Allahabadi

---

---

faqat nigah se hota hai faisla dil ka
na ho nigah mein shoKHi to dilbari kya hai

Allama Iqbal

---

---

puchha jo un se chand nikalta hai kis tarah
zulfon ko ruKH pe Dal ke jhaTka diya ki yun

Arzoo Lakhnavi

---

---

sath shoKHi ke kuchh hijab bhi hai
is ada ka kahin jawab bhi hai

Dagh Dehlvi

---

---

shoKHi se Thaharti nahin qatil ki nazar aaj
ye barq-e-bala dekhiye girti hai kidhar aaj

Dagh Dehlvi

---

---

parda-e-lutf mein ye zulm-o-sitam kya kahiye
hae zalim tera andaz-e-karam kya kahiye

Firaq Gorakhpuri

---

---