talash-e-rizq ka ye marhala ajab hai ki hum
gharon se dur bhi ghar ke liye base hue hain

Arif Imam

---

---

tumhaare hijr mein marna tha kaun sa mushkil
tumhaare hijr mein zinda hain ye kamal kiya

Arif Imam

---

---

usi ki baat likhi chahe kam likhi hum ne
usi ka zikr kiya chahe KHal-KHal kiya

Arif Imam

---

---

ye miTTi mere KHal-o-KHad chura kar
tera chehra banati ja rahi hai

Arif Imam

---

---

'arif'-husain dhoka sahi apni zindagi
is zindagi ke baad ki haalat bhi hai fare

Arif Shafiq

---

---

andhe adam wajud ke girdab se nikal
ye zindagi bhi KHwab hai tu KHwab se nikal

Arif Shafiq

---

---

apne darwaze pe KHud hi dastaken deta hai wo
ajnabi lahje mein phir wo puchhta hai kaun hai

Arif Shafiq

---

---