tira-o-tar KHalaon mein bhaTakta raha zehan
raat sahra-e-ana se main hirasan guzra

Arif Abdul Mateen

---

---

titliyan rangon ka mahshar hain kabhi socha na tha
un ko chhune par khula wo raaz jo khulta na tha!

Arif Abdul Mateen

---

---

wafa nigah ki talib hai imtihan ki nahin
wo meri ruh mein jhanke na aazmae mujhe

Arif Abdul Mateen

---

---

zat ka aaina jab dekha to hairani hui
main na tha goya koi mujh sa tha mere ru-ba-ru

Arif Abdul Mateen

---

---

mujh ko jannat se uTha kar ye kahan phenk diya
apne maskan se bahut dur rahunga kaise

Arif Ansari

---

---

abhi to main ne faqat barishon ko jhela hai
ab is ke baad samundar bhi dekhna hai mujhe

Arif Imam

---

---

ajab tha nashsha-e-waraftagi-e-wasl use
wo taza-dam raha mujh ko niDhaal kar ke bhi

Arif Imam

---

---