zindagi mujh ko meri nazron mein sharminda na kar
mar chuka hai jo bahut pahle use zinda na ka

Aqeel Shadab

---

---

nazar gum ho gai jalwon mein 'arif'
andhera kar diya hai raushni ne

Arif Abbasi

---

---

phunk kar main ne aashiyane ko
raushni baKHsh di zamane ko

Arif Abbasi

---

---

chand mere ghar mein utra tha kahin Duba na tha
ai mere suraj abhi aana tera achchha na tha

Arif Abdul Mateen

---

---

hamin ne raston ki KHak chhani
hamin aae hain tere pas chal ke

Arif Abdul Mateen

---

---

kabhi KHayal ke rishton ko bhi TaTol ke dekh
main tujh se dur sahi tujh se kuchh juda bhi nahin

Arif Abdul Mateen

---

---

tha e'timad-e-husn se tu is qadar tahi
aaina dekhne ka tujhe hausla na tha

Arif Abdul Mateen

---

---