ghuTan se bach ke kahin sans le nahin sakte
jahan bhi jaen ye kala dhuan to sar par hai

Arman Najmi

---

---

hua hai qarya-e-jaan mein ye saneha kaisa
mere wajud ke andar hai zalzala kaisa

Arman Najmi

---

---

'arsh' kis dost ko apna samjhun
sab ke sab dost hain dushman ki taraf

Arsh Malsiyani

---

---

'arsh' pahle ye shikayat thi KHafa hota hai wo
ab ye shikwa hai ki wo zalim KHafa hota nahin

Arsh Malsiyani

---

---

ala hai qahr hai aafat hai fitna hai qayamat hai
hasinon ki jawani ko jawani kaun kahta hai

Arsh Malsiyani

---

---

as isi dhun mein raha mar ke milegi jannat
tum ko ai shoKH na jine ka qarina aaya

Arsh Malsiyani

---

---

chaman mein kaun hai pursan-e-haal shabnam ka
gharib roi to ghunchon ko bhi hansi aai

Arsh Malsiyani

---

---