muTThi se phisle hi jate hain har phal
wasl ke lamhe tar-e-resham hote hain

Anjum Irfani

---

---

palkon pe jugnuon ka basera hai waqt-e-sham
'anjum' main paniyon mein chamak chhoD kar gaya

Anjum Irfani

---

---

safar mein har qadam rah rah ke ye taklif hi dete
bahar-surat hamein in aablon ko phoD dena tha

Anjum Irfani

---

---

sar-e-rah mil ke bichhaD gae tha bas ek pal ka wo hadsa
mere sehn-e-dil mein muqim hai wahi ek lamha azab ka

Anjum Irfani

---

---

tesha-ba-kaf ko aaina-gar kah diya gaya
jo aib tha use bhi hunar kah diya gaya

Anjum Irfani

---

---

udhar sach bolne ghar se koi diwana niklega
udhar maqtal mein istiqbaal ki tayyariyan hongi

Anjum Irfani

---

---

yaad hai qissa-e-gham ka mujhe har lafz abhi
haal jis dard ka jis ranj ka jab se puchho

Anjum Irfani

---

---