firaq-rut mein bhi kuchh lazzaten visal ki hain
KHayal hi mein tere KHal-o-KHad ubhaara karen

Anjum Khaleeq

---

---

hath aaega kya sahil-e-lab se hamein 'anjum'
jab dil ka samundar hi guhar-bar nahin hai

Anjum Khaleeq

---

---

hain aur bhi duniya mein suKHnawar bahut achchhe
hum jaisa magar zauq-e-qawafi nahin rakhte

Anjum Khaleeq

---

---

hum aise log bahut KHush-guman hote hain
ye dil zarur tera e'tibar kar lega

Anjum Khaleeq

---

---

ek ghazal likkhi to gham koi purana jaga
phir usi gham ke sabab ek ghazal aur kahi

Anjum Khaleeq

---

---

insan ki niyyat ka bharosa nahin koi
milte ho to is baat ko imkan mein rakhna

Anjum Khaleeq

---

---

jin ko kaha na ja saka jin ko suna nahin gaya
wo bhi hain kuchh hikayaten un ko bhi tu shumar ka

Anjum Khaleeq

---

---