zara mahfuz raston se guzarna
tumhaari shahr mein shohrat bahut hai

Anjum Barabankvi

---

---

ek rahen ya do ho jaen ruswai har haal mein hai
jiwan rup ki sari shobha jiwan ke janjal mein hai

Anjum Fauqi Badayuni

---

---

sach koi fan to nahin hai jo sikhaya jae
jhuT se kaam le sach bolna aa jaega

Anjum Fauqi Badayuni

---

---

tum apni aankhon ki lali phulon mein taqsim karo
mere dil ka haal na puchho rahne do jis haal mein hai

Anjum Fauqi Badayuni

---

---

us ne majbur-e-wafa jaan ke munh pher liya
mujh se ye bhul hui puchh liya kaise ho

Anjum Fauqi Badayuni

---

---

zehn-o-dil tafriq ke qail nahin
kya karun apna paraya jaan ka

Anjum Fauqi Badayuni

---

---

aabaadiyon mein kaise darinde ghus aae hain
maqtal gali gali hai har ek ghar lahu lahu

Anjum Irfani

---

---