is ne dekha hai sar-e-bazm sitamgar ki tarah
phul phenka bhi meri samt to patthar ki tarah

Anjum Irfani

---

---

koi purana KHat kuchh bhuli-bisri yaad
zaKHmon par wo lamhe marham hote hain

Anjum Irfani

---

---

kya ajab hai ki ye muTThi mein hamari aa jae
aasman ki taraf ek bar uchhal kar dekhen

Anjum Irfani

---

---

lahje ka ras hansi ki dhanak chhoD kar gaya
wo jate jate dil mein kasak chhoD kar gaya

Anjum Irfani

---

---

lamhe lamhe mein hua jata hun reza reza
wajh kuchh mujh se na puchho mere rab se puchho

Anjum Irfani

---

---

lauT kar yaqinan main ek roz aaunga
palkon pe charaghon ka ehtimam kar lena

Anjum Irfani

---

---

meri nazar mein aa gaya hai jab se ek sahifa-ruKH
kashish rahi na dil mein ab kisi kitab ke liye

Anjum Irfani

---

---