mere junun ne zamane ko KHub pahchana
wo pairahan mujhe baKHsha ki para para nahin

Allama Iqbal

---

---

meri nigah mein wo rind hi nahin saqi
jo hoshiyari o masti mein imtiyaz kare

Allama Iqbal

---

---

moti samajh ke shan-e-karimi ne chun liye
qatre jo the mere araq-e-infial ke

Allama Iqbal

---

---

mujhe rokega tu ai naKHuda kya gharq hone se
ki jin ko Dubna hai Dub jate hain safinon mein

Allama Iqbal

---

---

murid-e-sada to ro ro ke ho gaya taib
KHuda kare ki mile shaiKH ko bhi ye taufiq

Allama Iqbal

---

---

na puchho mujh se lazzat KHanaman-barbaad rahne ki
nasheman saikDon main ne bana kar phunk Dale hain

Allama Iqbal

---

---

na samjhoge to miT jaoge ai hindostan walo
tumhaari dastan tak bhi na hogi dastanon mein

Allama Iqbal

---

---