kabhi hum se kabhi ghairon se shanasai hai
baat kahne ki nahin tu bhi to harjai hai

Allama Iqbal

---

---

KHudawanda ye tere sada-dil bande kidhar jaen
ki darweshi bhi ayyari hai sultani bhi ayyari

Allama Iqbal

---

---

KHudi ko kar buland itna ki har taqdir se pahle
KHuda bande se KHud puchhe bata teri raza kya hai

Allama Iqbal

---

---

KHudi wo bahr hai jis ka koi kinara nahin
tu aabju ise samjha agar to chaara nahin

Allama Iqbal

---

---

kise KHabar ki safine Dubo chuki kitne
faqih o sufi o shair ki na-KHush-andeshi

Allama Iqbal

---

---

kushada dast-e-karam jab wo be-niyaz kare
niyaz-mand na kyun aajizi pe naz kare

Allama Iqbal

---

---

mahine wasl ke ghaDiyon ki surat uDte jate hain
magar ghaDiyan judai ki guzarti hain mahinon mein

Allama Iqbal

---

---