hum hasin ghazlon se peT bhar nahin sakte
daulat-e-suKHan le kar be-faragh hain yaro

Faza Ibn e Faizi

---

---

har ek qayas haqiqat se dur-tar nikla
kitab ka na koi dars mo'tabar nikla

Faza Ibn e Faizi

---

---

jala hai shahr to kya kuchh na kuchh to hai mahfuz
kahin ghubar kahin raushni salamat hai

Faza Ibn e Faizi

---

---

kahan wo log jo the har taraf se nastaliq
purani baat hui chust bandishen likhna

Faza Ibn e Faizi

---

---

KHak-e-'shibli' se KHamir apna bhi uTTha hai 'faza'
nam urdu ka hua hai isi ghar se uncha

Faza Ibn e Faizi

---

---

KHabar mujh ko nahin main jism hun ya koi saya hun
zara is ki wazahat dhup ki chadar pe likh dena

Faza Ibn e Faizi

---

---

kis tarah umr ko jate dekhun
waqt ko aankhon se ojhal kar de

Faza Ibn e Faizi

---

---