mera rota bachcha bahalta tha jis se
wo lakDi ka hathi uTha le gaya wo

Fay Seen Ejaz

---

---

tujh ko manzur nahin mujh ko hai ab bhi manzur
meri qurbat mere bose mujhe wapas kar de

Fay Seen Ejaz

---

---

aDhana hath pakaDne ko rang muTThi mein
to titliyon ke paron ka daraaz ho jaana

Fayyaz Farooqi

---

---

jab un ki bazm mein har KHas o aam ruswa hai
ajib kya hai agar mera nam ruswa hai

Fayyaz Farooqi

---

---

jugnu hawa mein le ke ujale nikal paDe
yun tirgi se laDne jiyale nikal paDe

Fayyaz Farooqi

---

---

kaise mumkin hai ki qisse jis se sab wabasta hon
wo chale aur sath us ke dastan koi na ho

Fayyaz Farooqi

---

---

ah mein us ki chalen aur imtihan koi na ho
kaise mumkin hai ki aatish ho dhuan koi na ho

Fayyaz Farooqi

---

---