tujhe hawas ho jo mujh ko hadaf banane ki
mujhe bhi tir ki surat kaman mein rakh dena

Faza Ibn e Faizi

---

---

tu hai mani parda-e-alfaz se bahar to aa
aise pas-manzar mein kya rahna sar-e-manzar to aa

Faza Ibn e Faizi

---

---

us ki qurbat ka nasha kya chiz hai
hath phir jalte tawe par rakh diya

Faza Ibn e Faizi

---

---

waqt ne kis aag mein itna jalaya hai mujhe
jis qadar raushan tha main us se siwa raushan hua

Faza Ibn e Faizi

---

---

wo mel-jol husn o basirat mein ab kahan
jo silsila tha phul ka patthar se kaT gaya

Faza Ibn e Faizi

---

---

ye tamasha didani Thahra magar dekhega kaun
ho gae hum rakh to dast-e-dua raushan hua

Faza Ibn e Faizi

---

---

yun maani se bahut KHas hai rishta apna
zindagi kaT gai lafzon ko KHabar karne mein

Faza Ibn e Faizi

---

---