zindagi KHud ko na is rup mein pahchan saki
aadmi lipTa hai KHwabon ke kafan mein aisa

Faza Ibn e Faizi

---

---

'sabir' tera kalam sunen kyun na ahl-e-fan
bandish ajab hai aur ajab bol chaal hai

Fazal Husain Sabir

---

---

shagufta bagh-e-suKHan hai hamin se ai 'sabir'
jahan mein misl-e-nasim-e-bahaar hum bhi hain

Fazal Husain Sabir

---

---

tum ne kyun dil mein jagah di hai buton ko 'sabir'
tum ne kyun kaba ko but-KHana bana rakkha hai

Fazal Husain Sabir

---

---

tu jafaon se jo badnam kiye jata hai
yaad aaegi tujhe meri wafa mere baad

Fazal Husain Sabir

---

---

un ki manind koi sahab-e-idrak kahan
jo farishte nahin samjhe wo bashar samjhe hain

Fazal Husain Sabir

---

---

ab kaun ja ke sahib-e-mimbar se ye kahe
kyun KHun pi raha hai sitamgar sharab pi

Fazil Jamili

---

---