uDte hue aate hain abhi sang-e-tamanna
aur kar-gah-e-dil ki wahi shishagari hai
Shahzad Ahmad
main apni jaan mein use jazb kis tarah karta
use gale se lagaya laga ke chhoD diya
Shahzad Ahmad
jab chal paDe to barq ki raftar se chale
baiThe rahe to panw ki zanjir ho gae
Shahzad Ahmad
jab us ki zulf mein pahla safed baal aaya
tab us ko pahli mulaqat ka KHayal aaya
Shahzad Ahmad
jahan mein hum ne kisi se bhi khul ke baat na ki
dayar-e-ghair tha daman bacha bacha ke chale
Shahzad Ahmad
jahan mein manzil-e-maqsud DhunDne wale
ye kaenat ki taswir hi KHayali hai
Shahzad Ahmad
jaise munh-band kali raat ke virane mein
sans lena mujhe dushwar hua jata hai
Shahzad Ahmad
jalte hain ek charagh ki lau se kai charagh
duniya tere KHayal se raushan hui to hai
Shahzad Ahmad
jawaz koi agar meri bandagi ka nahin
main puchhta hun tujhe kya mila KHuda ho ka
Shahzad Ahmad