ahne diya na us ne kisi kaam ka mujhe
aur KHak mein bhi mujh ko mila kar nahin gaya

Shahzad Ahmad

---

---

patthar na phenk dekh zara ehtiyat kar
hai sath-e-ab par koi chehra bana hua

Shahzad Ahmad

---

---

pairahan chust hawa sust khaDi diwaren
use chahun use rokun ki juda ho jaun

Shahzad Ahmad

---

---

paikar-e-gul aasmanon ke liye betab hai
KHak kahti hai ki mujh sa dusra koi nahin

Shahzad Ahmad

---

---

pas rah kar bhi na pahchan saka tu mujh ko
dur se dekh ke ab hath hilata kya hai

Shahzad Ahmad

---

---

nind aati hai agar jalti hui aankhon mein
koi diwane ki zanjir hila deta hai

Shahzad Ahmad

---

---

main gul-e-KHushk hun lamhe mein bikhar sakta hun
ye bhi mumkin hai ki kuchh der hawa rahne de

Shahzad Ahmad

---

---

main apni jaan mein use jazb kis tarah karta
use gale se lagaya laga ke chhoD diya

Shahzad Ahmad

---

---

main chahta hun haqiqat-pasand ho jaun
magar hai is mein ye mushkil haqiqaten hain bahut

Shahzad Ahmad

---

---