خاموش زندگی جو بسر کر رہے ہیں ہم
گہرے سمندروں میں سفر کر رہے ہیں ہم

رئیس امروہوی

---

---

کس نے دیکھے ہیں تری روح کے رستے ہوئے زخم
کون اترا ہے ترے قلب کی گہرائی میں

رئیس امروہوی

---

---

پہلے بھی خراب تھی یہ دنیا
اب اور خراب ہو گئی ہے

رئیس امروہوی

---

---

پہلے یہ شکر کہ ہم حد ادب سے نہ بڑھے
اب یہ شکوہ کہ شرافت نے کہیں کا نہ رکھا

رئیس امروہوی

---

---

صدیوں تک اہتمام شب ہجر میں رہے
صدیوں سے انتظار سحر کر رہے ہیں ہم

رئیس امروہوی

---

---

صرف تاریخ کی رفتار بدل جائے گی
نئی تاریخ کے وارث یہی انساں ہوں گے

رئیس امروہوی

---

---

ٹہنی پہ خموش اک پرندہ
ماضی کے الٹ رہا ہے دفتر

رئیس امروہوی

---

---