meri hasti se to achchhi hain hawaen yarab
ki jo aazad phira karti hain maidanon mein

Muztar Khairabadi

---

---

mera rona hansi-ThaTTha nahin hai
zara roke raho apni hansi tum

Muztar Khairabadi

---

---

mere dal ne jhaTke uThae hain kitne ye tum apni zulfon ke baalon se puchho
kaleje ki choTon ko main kya bataun ye chhati pe lahrane walon se puchho

Muztar Khairabadi

---

---

mere gunah ziyaada hain ya teri rahmat
karim tu hi bata de hisab kar ke mujhe

whether my sins are greater of your mercy pray?
My lord take account and tell me this today

Muztar Khairabadi

---

---

mere un ke talluq par koi ab kuchh nahin kahta
KHuda ka shukr sab ke munh mein tale paDte jate hain

Muztar Khairabadi

---

---

miyan-e-hashr ye kafir baDe itrae phirte hain
maza aa jae aise mein agar san le KHuda meri

Muztar Khairabadi

---

---

mohabbat but-kade mein chal ke us ka faisla kar de
KHuda mera KHuda hai ya ye murat hai KHuda meri

Muztar Khairabadi

---

---

mohabbat ka asar phir dekhna marne to do mujh ko
wo mere sath zinda dafn ho jaen ajab kya hai

Muztar Khairabadi

---

---

mohabbat mein kisi ne sar paTakne ka sabab puchha
to kah dunga ki apni mushkilen aasan karta hun

Muztar Khairabadi

---

---