ek hum hain ki jahan jaen bure kahlaen
ek wo hain ki jahan jaen wahin achchhe hain

Muztar Khairabadi

---

---

fana ke baad is duniya mein kuchh baqi nahin rahta
faqat ek nam achchha ya bura mashhur rahta hai

Muztar Khairabadi

---

---

gae hum dair se kabe magar ye kah ke phir aae
ki teri shakl kuchh achchhi wahin malum hoti hai

Muztar Khairabadi

---

---

haal us ne hamara puchha hai
puchhna ab hamare haal ka kya

Muztar Khairabadi

---

---

haal zahid jo mai-e-nab ka puchhe to kahun
hai ye wo chiz jo kafir ko musalman kare

Muztar Khairabadi

---

---

haal-e-dil aghyar se kahna paDa
gul ka qissa KHar se kahna paDa

Muztar Khairabadi

---

---

hum se achchha nahin milne ka agar tum chaho
tum se achchhe abhi milte hain agar hum chahen

Muztar Khairabadi

---

---

hamare ek dil ko un ki do zulfon ne ghera hai
ye kahti hai ki mera hai wo kahti hai ki mera hai

Muztar Khairabadi

---

---

hamare mai-kade mein KHair se har chiz rahti hai
magar ek tis din ke waste roze nahin rahte

Muztar Khairabadi

---

---